貝安琪與尹子維日前被本報獨家拍到於萬聖節派對上激咀後，女方初時死口唔認咀過，並否認拍拖。不過，前晚貝安琪出席活動時卻改口風，承認二人當時有mood，兼大讚對方very nice，似為公開戀情而鋪路。

前晚貝安琪（Ankie）與母親劉香萍出席法國嬌蘭活動，同場還有鄭融、楊洛婷及胡敏珊等。提到早前被拍到與尹子維（Terence）激咀，Ankie稱與Terence是相識了四、五年的好朋友，把對方當作哥哥，但問到為何與朋友會激咀，她無奈承認：「當時有mood。（會唔會同其他男仔朋友激咀﹖）No﹗（佢有冇機會做你男友﹖）可以諗吓，我覺得佢幾靚仔。（佢追你﹖）我唔知，你問佢，我哋經常一齊食飯飲嘢。（係咪你杯茶？）very nice。（佢係play boy﹖）我唔覺，佢好有修養，可能佢靚仔，好多女仔鍾意。」

Ankie承認當晚有mood，故情不自禁親吻尹子維。（資料圖片）	鄭融及楊洛婷盛裝出席活動。	放大圖片

劉香萍唔覺過火

Ankie自稱現時單身，問到可知Terence的緋聞女友楊淇當時在場，她直言不知情，但信心十足地說：「Terence係單身，我好肯定。」不過，Ankie表示自覺與Terence的timing唔啱，因為她現時想專注拍戲，不想搞任何關係。問到二人激咀後再入VIP房是否有下文，此時，劉香萍為愛女護航：「間VIP房個個都有入去，我都喺度。我好開通，佢自己嘅事自己決定。（激咀過咗火？）喺歐洲女仔同女仔好friend都會咁樣錫，係非常喜歡嘅表現。」

主演電影票房勁

另外，劉香萍透露Ankie主演的電影《Wicky And Vicking》最近獲得德國喜劇大獎，而且大破當地的票房紀錄。

文︰名人組