大家都明白，我們站在潮流最前線的人，永遠都要做得比人多，行得比人快，之前幾日同大家提過，我已經要影聖誕同農曆新年的形象，10月，會唔會太早呀？會呀！你知道嗎？好多飾物都好似買菜買生果一樣：唔當造！買唔到……

我唔係講大話！家陣好多地方都是賣緊萬聖節的物料，所有顏色都是黑黑灰灰，所有圖案都是南瓜魔鬼，我家陣影聖誕新年形象，聖誕斷估唔會係拎住啲南瓜魔鬼啩？農曆年就更加唔會係帶住啲黑黑灰灰的飾物囉！

所以喺呢個時候，我好慶幸自己是一個人緣唔太差的人，因為朋友喺呢個時候就最幫到手，賣一個人情畀我呢個時裝設計師，感謝感謝！認真的，我真的不是神仙，我都只是一個平凡的時裝設計師，我唔識得變魔術，你要知道，條街買唔到就係買唔到，你逼人家，人家都幫唔到你，因為無就係無！

其實，認真的，就是因為成條街都無，普通人又唔會買得到，而你作為一個形象設計師，唔理你用咩辦法又搞得點喎，所以人家先會咁安心放心同你合作！

時裝設計師