生炒芥蘭雖然是一個簡單的菜式，但大家煮嘅時候會唔會覺得賣相水汪汪兼唔夠青綠？又或者煮得一係太熟一係就太腍？今期就講個生炒芥蘭嘅秘訣畀大家知啦！

要做到又香又爽脆，連凍食都咁好味嘅芥蘭，就一定要選用北京芥蘭，先將芥蘭用清水洗淨，頭部較老的部分切去，然後斜切芥蘭留下嫩葉，瀝乾水分，將原粒蒜頭拍扁，開火燒鑊，見白煙落多少少油，然後爆蒜頭，再慢慢加適量開水，油溫便會提升，從而逼出蒜頭的香味，然後放芥蘭慢慢炒，將芥蘭炒至微轉色，蓋上鑊蓋約兩秒鐘，開蓋再炒十幾下，再上鑊蓋等兩秒鐘，開蓋再炒，炒至剛熟便先盛起，然後再燒紅隻鑊，加少少油再放下已熟的芥蘭再炒，加鹽及糖，再炒數下便可上碟。

材料：

北京芥蘭

蒜頭或薑（可轉抄薑汁芥蘭）

調味料：

鹽

糖

貼士：

1. 蒜頭要原粒輕輕拍扁不用打碎，原粒蒜頭炒可保存原味。

2. 用適量的水炒芥蘭，所產生的蒸氣會逼熟芥蘭。

3. 最後再燒紅油鑊，加鹽、糖炒，使芥蘭更香，而且仲可以減少油分。

4. 如配上日本芥辣同時享用，口感更佳。

騰哥Profile：具備30年鑽研飲食經驗，現代飲食協會副主席，新明苑飲食集團董事總經理，多年來旗下造就不少城中名廚，堪稱飲食界元老級人馬。

Email: lkt.smy@gmail.com