呂良偉與太太楊小娟及父親出席「噶舉祈願大法會祈福素宴」，阿呂對於播映中的劇集《富貴門》甚為緊張，還透露太太上網睇觀眾反應：「佢睇討論區，睇吓外間反應如何，仲有好多網民問我點解咁後生，最緊要勤力工作、運動，心情好多做善事，我對物質唔係追得咁緊要。（有說你打羊胎素？）人哋點講我無法控制，自己有冇打心知肚明，我學佛嘅冇乜所謂，睇得好化，唔係咁理人哋點睇，（贊成整容？）唔介意，但我冇咁嘅需要！」阿呂又指住右臉疤痕說：「有人叫我整走佢，我都冇諗過！」對於戚美珍被指有病出入醫院，阿呂說：「我覺得佢靚咗瘦咗，唔覺佢身體有乜問題。」

同場有關之琳與胞弟，但之之因身體不適沒有做訪問。而黃婉佩（Race）提及姊姊Rosanne的婚事，Race說：「搞到好攰，只欠影結婚相同請帖未派，原來結婚咁多嘢搞，我未有計劃結婚，現以工作為先。」