模特兒趙嘉懿（Carrie）與丈夫造人成功，已懷孕三個半月，明年四月是預產期，恭喜恭喜！

向來恨生虎BB的Carrie原計劃十月與丈夫旅行時努力造人，母親指可能要試幾個月，於是早幾個月即努力造人，未料一擊即中，夫婦二人都開心不已，她說：「因為有咗唔方便搭飛機，所以本來呢個月嘅旅行都取消咗，仲有陳小韻喺峇里個婚禮都去唔到，要等佢返咗香港先一齊食飯補祝。」

懷孕初期Carrie沒有感到頭暈或作嘔，反而胃口很好，至今已肥了十一磅，醫生也勸她要控制飲食：「可能我向來偏瘦，依家有咗三個幾月，個肚好似人哋五個月咁。」雖然未有感到不適，大肚Carrie經常感到疲倦，加上不想穿高跟鞋，為此她推掉不少工作，不過，下月Carrie會重新投入工作，她說：「我覺得大肚開工好型。（會唔會影大肚裸照？）會呀，諗住等到個肚八個月大，想同埋老公一齊裸住影。」她說計劃生兩個，所以今胎仔女也沒所謂，最重要是健康。