o靚模鍾蕙芝（Lavina）除了與富家子William的緋聞外，其感情生活幾乎空白一片，原來每逢冬季前夕，她就難逃被男友飛的厄運，難怪Lavina為搵個男友過冬，不惜公開求偶。

Lavina與拍檔胡心諾（Rainbow）昨日應邀出任婚紗城2010年代言人選拔大賽嘉賓，前亞姐呂晶晶也有出席，兩女穿起婚紗，論性感，Rainbow明顯遜色於有料之人Lavina。

求偶期兩個月

已不是第一次穿婚紗的Lavina，每次穿婚紗也有幸福感覺，笑言着幾多次也冇所謂，但真正結婚的話穿一次就夠，單身的她酸溜溜地自爆從來沒有男朋友陪她過冬天：「一到冬天啲男友就同我分手。（係咪因為冬天衣着密實被飛？）吓？唔會啩！香港啲男仔應該唔會咁嘅，亦都唔擔心fans係咁，佢哋唔係鍾意我外表。」

為求打破慣例達成有男友一起過冬的願望，Lavina自爆求偶的需求：「希望搵個男友過冬，不過得番兩個月。」此外，同場她見到模特兒新人，不忘過兩招說：「喺台上面覺得緊張都唔好畀人知，執生最緊要！」感覺猶如做了前輩一樣。而首次在人前着婚紗的Rainbow，要靠束胸衣托起婚紗，她不諱言件衫好緊，在旁的Lavina說：「佢問我點可以抖氣！」

Rainbow初穿婚紗，發覺緊到唔識抖氣。

呂晶晶拍拖多年，說未係時候披嫁衣。

吳雨霏願谷胸

另外，抽空到場的吳雨霏（Kary）表示以高貴性感的婚紗為雜誌拍攝封面，坦言為六位數字的酬勞感到高興，為了效果好不介意谷胸上陣，不過談到他日結婚，Kary說絕不會揀暴露款式婚紗，記者取笑她已諗定與網球王子結婚？Kary即說：「唔係呀，我好少諗呢啲嘢。」

文：名人組