日前看到一宗唔知好嬲定好笑的新聞，原來現實世界入面，真的有人叫做哈利波特，跟電影小說裏的主角哈利波特同名同姓都不特止，連年紀都一樣！不過現實中真正的哈利波特，卻因為小說入面虛擬的哈利波特，而被迫無奈地遇上好多麻煩！因為所有人都以為這位如假包換的哈利仔是用假名來開玩笑！

講真，如果有人同你講：「我個名叫哈利波特呀！」你都會覺得這個人係咪玩嘢呀？這就是真正哈利仔得到不必要的麻煩，全部的麻煩都是來自我們的懷疑與相信之間，朋友的懷疑都算了，最煩是三九唔識七的人，訂機票的，訂酒店的，統統都以為你玩嘢！其實都好灰……

細個都無咩所謂，最多畀人叫吓你做哈利王子，問吓你支魔杖放喺邊處，不過，當哈利仔愈來愈大，人家就不再開玩笑而是恥笑這個名字……

其實陳刀這個名字，都有着相同的經歷，通常大家第一個反應是你真係叫陳刀？第二個反應是《賭俠》裏面個陳刀仔同你有無關係？第三個反應是你哥哥係咪叫陳劍、陳叉？點呀？夠啦！好煩呀！

時裝設計師