陳奕迅（Eason）專誠去澳門睇阿加斯大戰森柏斯，坐在觀眾席第一行的他不停拍手叫好，中場休息時不少觀眾搵他握手和合照，Eason都欣然接受，毫無架子。

Eason睇完波後接受本報電話訪問，雖然偶像阿加斯輸了比賽，但Eason不感失望：「佢好有實力，輸贏唔重要，最緊要打得精彩，其實做藝人同運動員好似，自己都朝呢方面走，凡事唔使咁緊張，放鬆啲就開心啲。」Eason又表示十多歲開始欣賞阿加斯，大讚對方說：「佢試過受傷休息兩年，之後全靠毅力，世界排名由二百幾變排第一，我好欣賞佢，以前自己都跟阿加斯買衫，但就冇跟佢剃頭，怕生唔番。」Eason更自爆曾跟同是網球迷的張學友比賽，雙方有贏有輸，玩得相當盡興。