「扒女」李依琳昨日出席新太陽廣場舉行的《新地最「鬼」多Fun迎萬聖》暨《新地好盞鬼Cafe》活動，不過她因座駕途中爆胎，遲到超過半小時。

最近「扒女」忙於搬屋，為了四隻愛犬着想，全家搬到有花園及泳池的五層高獨立屋，今次她也是為愛犬才回港：「本來洛杉磯有個電影工作等緊我，但我唔捨得屋企隻十八歲老狗。（會喺香港搵工？）我想Relax吓，同埋照顧狗狗。」提到萬聖節，今年「扒女」想扮忍者。問她有否撞鬼經歷？她說：「小時候同弟弟在舊屋成日見到有隻女鬼由媽咪間房走去廁所，所以我哋好驚個廁所，嗰時我五歲，已經唔記得，係媽咪講番畀我知。」