Amanda S.被指與緋聞男友中田英壽在巴黎幽會，對於有指中田在日本連環溝女兼為女食素，Amanda力撐中田對蔬菜敏感，指報道應屬失實，又說中田未遇到真愛才約會其他女性，與之前狂數另一緋聞男友郭富城大相逕庭！

昨日Fendi舉行全亞洲預展「B.Fendi Pave Watch Collection Asia Premiere」活動，大會請來名模Amanda S.及兩女模示範新款手錶。穿上超低胸上陣的Amanda笑言已做足安全措施，故不怕走光。

對菜敏感點食素

近日有日本雜誌指中田在日本先後約會混血女主播瀧川Christel及男星石田純一的前女友長谷川理惠，更為討好素食主義者的長谷川而一起吃素？Amanda聽罷即力撐說：「佢係男仔，當然會同其他女仔約會，而且有其他女性朋友都好普通，我都有好多男性朋友。（佢為長谷川食素，同你喺巴黎食飯有冇食素？）我唔清楚佢係咪食素，但以我所知中田對菜有敏感，我從來唔見佢食菜，佢淨係食肉，所以我覺得個報道好好笑，相信唔係真。」

早前Amanda S.被拍得與中田英壽在巴黎吃飯看騷，狀甚親暱。（資料圖片）

穿上超低胸的Amanda，與兩外籍女模一同示範最新腕錶。

力挺兩男唔花心

會否覺得中田是playboy？Amanda續說：「我都唔知，不過我覺得有時約會唔代表係有意思嘅。（城城花心啲定中田花心啲？）兩個都唔花心，其實有時唔係花心，只係遇唔到個鍾意嘅人，所以先至約會其他女性啫！」莫非在暗示熊黛林非郭富城至愛，才令城城要偷杧？

文：名人組