放大圖片

Galaxy最薄最大量Android

本文重點

保守輕薄造型
AMOLED靚絕大芒
數碼通獨家功能
規格表

最近愈來愈多手機商投入Android陣營，繼Acer日前在台灣發表Liquid後，Samsung亦在港推出旗下首台Android手機Galaxy，11.9mm機身內藏8GB超大容量，加埋AMOLED靚絕大芒及500萬像素鏡頭，最強Android之名當之無愧！

保守輕薄造型

Android系統由Linux而來，開放源碼下自然吸引廠商參與，Galaxy貴為Samsung首部Android手機，竟然唔玩花巧玩保守，全黑直立機身極之簡潔；翻到機背，可看到廠商都費過心思，機殼經過鋼琴烤漆處理，看起來有拋光感，但就較容易沾上手指模同刮花，有辣有唔辣！纖巧是另一賣點，機厚僅有11.9mm，仲薄過13.65mm的HTC Magic，加上重量不足120g，女士放在Clutch Bag剛剛好！

售價︰$3,988(a)<br>上台價︰$0機價、預繳$3,480並簽約24個月(b)

售價︰$3,988(a)
上台價︰$0機價、預繳$3,480並簽約24個月(b)

機背有500萬像素鏡頭連LED補光燈，其他一點花紋都冇，設計簡約。

機頂設有mini-USB連接埠及3.5mm耳筒插孔。

AMOLED靚絕大芒

Galaxy全機以篤芒操作，屏幕自然不可馬虎。廠商採用了3.2吋電容式觸控屏幕，解像度為320×480，雖然跟其他Android手機相同，但內裏卻採用了AMOLED面板，對比度、顏色飽和度及可視角度，都非一般TFT屏幕可比。小記將佢同Magic放埋一齊，Galaxy屏幕明顯自然亮麗得多，而且光亮得來不刺眼，長期觀看較為舒服。話分兩頭，Galaxy機面冇Trackball及搜尋鍵，睇相、上網就唔夠對方順手。

影相支援半按快門，但快門掣過於扁平，落幾吃力。

要拆蓋才能更換記憶卡，好彩內建容量達8GB，應該冇咩機會換卡。

除咗全黑版，還有白色選擇，白底銀字更為搶眼。

數碼通獨家功能

Galaxy的原生首頁只有3版，但若經SmarTone-Vodafone預訂，首頁便會激增至7版。中間一頁用來檢閱新聞同天氣報告，向左撥就是線上娛樂頻道，例如Animax、娛樂台及Music Video TV等；向右撥則找到其他上網Widgets，例如URL輸入欄、《on.cc》新聞捷徑及Jetso消息等。實測所見，即使線上新聞不斷更新也不減瀏覽速度，最重要係HSUPA速度為Android之冠，達到5.76Mbps，影完相掟上Facebook勁爽！

手機可訂閱大量數碼通獨家頻道，例如娛樂台、Animax等。	Jetso是一個Widget小工具，提供不同商舖的購物情報及網友評語，唔睇實走寶！	設有《on.cc》捷徑，可直接打開本報網頁，文字、圖片都一清二楚。
內建「三星輸入法」，提供聯想、拼音、注音、倉頡及手寫多種輸入法。