前陣子，忙到癲，得閒死唔得閒病，終於得閒，我就病了……好嬲！

在唔得閒病的期間，日日做到無停手，無得健身游水之餘，所有娛樂消遣統統都要取消，行街睇戲食飯？唔使預我……

我日前磅重，唔見咗7磅肉！好灰！好難得先增加呢7磅肉，真係轉眼就唔見晒，點解？點解個天要咁對我？

我個人好奇怪，當忙到癲的日子，就無心情食同瞓，食好少瞓好少，唔知點解？或者這是醫生口中的壓力吧！原來這次忙到癲的工作壓力有7磅重，好慘！可唔可以唔好攞走我呢7磅肉？

其實我唔覺得忙到癲的工作壓力好難頂，我只是覺得可能因為太忙，所以自己胃口唔多好瞓得唔太好，工作就是這樣吧！好正常……誰不知承受完壓力之後，原來這個壓力會攞走我7磅肉，如果是這樣，我相信這個壓力都唔細，因為我增加7磅肉用上我幾個月時間，又要健身又要飲增肥奶，先有呢7磅……家陣話無就無，真係……我都唔知點講，總之就好傷心，唔係講笑，我真的好傷心……

如果工作壓力可以增肥就好啦！快啲畀番7磅肉我呀！

時裝設計師