萬聖節，攞正牌扮到「鬼」五馬六的日子，當然勿失良機！要扮當然扮最潮，今年大熱首推剛步入鬼門關的MJ，不少搞鬼服飾或面具，紛紛向偶像作另類致敬。流行天王隨時速速「顯靈」，無論係咪粉絲，今個萬聖節一於齊齊嚇餐飽。

撰文：梁淑敏　

殭屍約會 萬聖節和殭屍有個約會，自然開心到「跳」起。$568（a）	白面阿婆 穿上古代中國服、戴上白面紅唇面具。索女變阿婆，嚇鬼死！服裝 $388、面具 $68（a）	魔法學生 扮巫婆已經Out，魔法學生至夠In！$168（a）

攝影（部分）：梁偉德

鬼見愁 日本鬼見愁帽×和服，帽子的流蘇將面容半遮半掩，鬼咁神秘。服裝 $388、帽 $68（a）	森林仙子 保護地球的森林仙子，小朋友邊玩邊學環保。$138（a）	南瓜人 南瓜人眼仔碌碌，驚嚇不足，Cutie有餘。$138（a）

模特兒：Cherie、Mack（Joint Hill）、思思

查詢電話：（a）2383 8603（b）2575 8311

聯合國鬼兵團

無論膚色Black or White，一到萬聖節，不妨同成班Friend組成聯合國鬼兵團，中國鬼嚇得有親切感、o架鬼啱晒崇日人士、美國鬼表面Open，不同國籍嘩鬼聯群結隊，一定鬼咁好玩！

鬼咁卡娃依

萬聖節唔一定靠嚇！卡娃依打扮係人係鬼都鍾意。要在眾多嘩鬼之中突圍而出，當然要奇「蕉」盡出，今年搞鬼服飾驚見一條蕉造型，外形「蕉」氣勃勃十級養眼，男女都啱呢！

扮鬼臉Best Buy

除了一身變裝打扮，要在萬聖節當日極速變身，不妨以盞鬼面具傍身。以下人氣面具畀你盡情「扮鬼臉」，大可買多一、兩個，隨時扮國粹玩「變臉」，驚嚇指數激增。