琦琦早前應「黛安芬」邀請到米蘭為其內衣設計比賽擔任評判，在三日兩夜的緊密行程中，琦琦忙裏偷閒，瘋狂shopping一番。琦琦表示今次買了不少新裝回港，因時間緊迫，見到合適即買，琦琦說：「我今次得好短時間shopping，一見到啱就即時買，因為唔會有機會再返轉頭，買咗好多軍褸同貼身褲，當我哋離開時，坐喺架車度，見到有啲雨靴好靚，即時落車跑出去買，一口氣買咗六對，但好開心，買到自己鍾意嘅嘢。」

除咗shopping外，琦琦每次去意大利均必定會去教堂，她說：「我係天主教徒，意大利有好多教堂，每次必定會去禱告，盡一點心意。」另外，琦琦又大讚今次內衣設計比賽有意義，她說：「好難得搞咁大型嘅比賽，有成二百多個設計學院學生參加，有個途徑畀啲學生發揮，所以就算幾忙都會去支持。」