o靚模周秀娜（Chrissie）為「搵食架生」33D上圍買千萬保險，而轉戰模界的楊愛瑾（Miki）也有意效法！她自爆被公司勒令為一雙長腿買重保險，不過Miki卻唔知價，誤以為投保六位數字就已足夠。
藝人投保「搵食架生」動輒過千萬元，不過有意為一雙玉腿投保的Miki，昨日與諸葛梓岐（Marie）、Janice Man和王歌慧等應時裝店Bauhaus的邀請示範新裝時，就對投保金額零認識！
唔知投保額
簽了模特兒公司轉戰模界的Miki，昨日行騷時表現生硬，但以熱褲上陣大騷白滑玉腿的她，依然搶鏡！騷後，Miki風騷表示近日頻頻接Job賺錢，被問到轉投新公司是否比以前更開心，她回應時顯得有所避忌：「開心係原來自己仲有好多客鍾意，佢哋好多都要求我騷長腿行騷！」Miki更自爆被公司勒令為「搵食架生」買重保險，不過被問到投保多少時，Miki卻顯得一頭霧水：「六位數字啦，（咁少？）吓，我唔知㗎，依家未正式買，交畀公司處理。」
Stephy邀去P
Miki又謂已跟公司表明乜都肯做：「乜Job都接，（泳衣內衣騷？）咁就唔會，我身材唔好，着出嚟唔吸引，如果拍戲就冇問題。」談到若舊公司金牌找她拍戲，Miki表示亦會感到開心。另外，Miki透露收到昔日戰友鄧麗欣（Stephy）的生日會邀請，但表明未知是否有空出席。
而Janice Man就承認已收到稅單，但就拒絕透露交稅的數目，被問到數目是否歷年之冠時，她說未有計過，但強調自己有儲蓄習慣，積蓄夠交稅。文︰名人組