平日生活忙碌，難得找到一個落腳點，自然想慢慢Hea，享受片刻的寧謐，位於灣仔軒尼詩道的一站式意大利雜貨餐廳旗艦店，就讓人有這種感覺。樓高三層配上落地玻璃，滿室南歐風情，而每層更各有不同飲食主題，令有線電視娛樂新聞台主播譚凱琪（Zoie）決定食住上，掃足三層，感覺好滿足。

一站式又食又買

ilBelPaese本已有五間分店，專賣意大利食品、雜貨及新鮮自家製食物等，來到這第六間店子，亦是最具規模、地方最大的旗艦店，三層樓還各有特色。地下Freshness主打新鮮食物如沙律、三文治、甜品、意粉及湯等，另加芝士、火腿及麵包專櫃。一樓Pleasure齊備各式雜貨，還有約30個座位，可坐低慢嘗在樓下柯打的散點菜式。為食的Zoie既到樓下試食芝士、火腿，又柯打了沙律、意粉等，更趁開餐前四圍看看，尋找心頭好：「我幾鍾意一站式的店子，像這間可以又食又買。看着一排排的貨架，令我想起去米蘭公幹時到過的雜貨街，感覺熟悉，難忘當地的芝士，好好味，來這店便可買回家歎。」

三層高的新店非常矚目，若坐在一、二樓靠窗的位置，便可看着熙來攘往的街道，享受那份閒適寫意。	二樓布置較優雅舒適，坐着食自助午餐甚為不錯；特別設有開放式廚房，隨時將場地變成烹飪教室。	2/F Stuffed Calamari（自助餐菜式） 將雞蛋、乾番茄、鯷魚、芝士及鮮香草等釀入原隻魷魚內，再加入白酒及橄欖油等烤焗，每片切得厚薄適中，啖啖鮮甜味美。

自助午餐首登場

繼續向上層「掃蕩」，Zoie發現了名為Enjoyment的二樓，竟然有自助午餐供應，即露出為食表情。她笑說：「聽老闆講這是新嘗試，暫時只有星期一至五供應，每位百多元（設加一）就可品嘗頭盤、沙律、熱盤、甜品、水果及咖啡等。」此外，這二樓亦可用作舉行烹飪班、私人派對，甚至飲食講座等，Zoie表示：「以前一個人住都會煮意粉，夠簡單方便嘛，又試過煮5個人的晚餐，滿足感好大，尤其見大家食得好開心。如果可以約埋班朋友參加Cooking Class，應該會幾得意喎，有得食有得玩啦，唔使次次見面都淨係食飯咁悶。」

1/F Mix for Porcini sauce$35（左）Arrabbiata pasta mix$35（右） 對入廚新手來說，方便最緊要，這些醬汁材料只要加入橄欖油或水烹調，便能用來煮意粉，味道不錯。	G/F Lasagne with meat $58 經典菜式當然不可缺少，肉碎、寬條麵混合番茄香，實在美味。除意粉外，還有其他熱盤選擇，食個Full Course都可以。	G/F Di Casa Espresso $20 這威尼斯的品牌，咖啡聞起來濃香馥郁，喝罷更帶點回甘，堪稱一試難忘。

譚凱琪近況

早前推出首本電子書《So Zoie活得很滋味》，分享自己的童年、感情事及遊歷見聞等；另夥拍張達明、陸浩明主持節目《JohnnyB.Good》，以主持、唱歌及戲劇等方式講盡時事。

撰文：楊淑英　

攝影：林資凱

查詢電話：2528 2200