剛滿廿一歲的《2008亞洲小姐競選》內地總決賽冠軍陳莎可說是個懷春少女，從未拍過拖的她其實也渴望有愛情滋潤，她說：「我都好奇怪點解未拍過拖，可能讀書時爸爸管教嚴，又未遇到鍾意嘅人啦！我唔鍾意拍散拖，一心諗住係結婚對象至拍。」雖然陳莎要搵到結婚對象至拍拖，但她的擇偶條件卻要求不高，她笑言：「一定要係男仔囉，我好肯定自己嘅性取向，外貌冇所謂，最好思想成熟，細過我就唔會接受。」
難察覺有追求者
其實陳莎年輕貌美，很難相信沒有追求者，她也笑言：「其實可能以前有，只係我鈍，感覺唔到。」原來最近有同事約會她，她傻更更以為純粹朋友吃飯便應約了，兩、三次後才發現原來對方有意追求，由於「神女無心」，陳莎直接拒絕對方好意，這才發覺可能以前錯過了不少拍拖機會。
Profile
姓名：陳莎（Iris）
三圍：33、25、35
身高：169cm
體重：51kg
生日：9月1日