早前有傳張栢芝再度懷孕，遠赴加拿大安胎。前晚狄波拉（拉姑）與丈夫鬍鬚Kong（圖）出席手錶活動時，被問到新抱栢芝的近況，她即時拉開話題，稱最近忙於過中秋節，問到是否能齊集一家人過節，她說：「分開做節，逐日逐日過。（慶祝好多日？）咪一日，我唔迎月又唔追月，我哋餐餐飯都當中秋過。」

對於有傳她棒打女兒謝婷婷與安志杰（Andy）時，她不怒反笑，還自嘲：「我啲角色都幾好，形象好深入，一開口就棒打，埋口就鬧人。（澄清？）使乜澄清，又冇咁嘅事。（Andy有冇一齊過節？）分開一撮撮人食。（覺得Andy點？）之前都講過，好仔嚟㗎，好乖。」不過，問到栢芝是否有份做節，拉姑即封嘴說：「我唔會答你！」當記者再追問栢芝是否有孕，拉姑便掉頭走人。拉姑的言行，令人揣測栢芝有孕傳聞可能屬實。