日前出席新世紀廣場十月全城食鬼迷陣的揭幕儀式，自己個人好喜歡萬聖節，因為自己鍾意扮鬼扮馬嚇人之餘，都鍾意畀人嚇，唔係，應該係畀人扮鬼嚇先啱，好變態？

其實一點都不變態，因為揭幕當日，大會請來專家分析，其實萬聖節去鬼屋畀鬼嚇是一個非常好的渠道，將我們平時的壓力抒發出來。簡單來說，是一個精神壓力發洩的途徑，當我們大聲驚叫時，除了因為恐懼之外，其實我們平時積埋積埋的情緒，例如失落憤怒不甘憂慮等等的情緒壓力，都會一一透過逃跑驚叫釋放出來。

諗深一層，其實好有道理，來自四方八面的壓力，原來是沒有任何出路。試想想你的工作壓力，要你硬食；家庭壓力，你要硬哽；生活壓力，人人都要硬着頭皮。專家建議我們萬聖節去鬼屋，應該盡情大叫，將日積月累的壓力好好釋放出來！

再諗深多一層，可能好多家庭暴力事件的發生，都是因為壓力無法宣洩，所以將屋企人變成發洩對象，釀成慘劇！

如果大家覺得壓力太大，想畀鬼嚇一下，發洩一下，不妨到新世紀廣場這個免費的主題鬼屋盡情大叫！

時裝設計師