名模陳嘉容（Eunis）籌備了兩年的新書《品味．形象》正式面世，Eunis表示是「第四個仔出世」，書中除分享穿衣之道及化妝護膚心得外，還會大談健康飲食之道，她說：「呢本書可謂我嘅精心之作，係我籌備最多時間嘅一本，足足用咗兩年，將平時接觸同埋經歷寫落嚟。（點解唔喺書展推出？）我唔想咁趕，想整靚啲，如果太倉卒而令效果唔滿意嘅話，等於浪費心機！我追求完美，想做到最好先畀大家睇。」