照顧小朋友有時真的傷透腦筋，父母辛辛苦苦煮一餐飯，或者出外用餐點好餸菜，但小朋友就扭計不肯食飯，要跟父母作對，這個時候父母又應該如何是好呢？ontv《就係咁教》請來親子教育工作者曾繁光先生來教大家怎去處理。
勿發脾氣
據曾繁光先生講，首先要先控制自己情緒，切勿發脾氣，破壞關係和氣氛，之後可以嘗試了解小朋友不肯食飯的原因，如果係為了無關重要的事情，家長可以暫時不理會他們，讓他們哭個夠，過一段時間他們自然會感覺肚餓，這時就會找東西吃。
那時候，父母可同小朋友分析對與錯，最常見是想要買玩具，父母可以從中灌輸必需品與奢侈品的分別，如果小朋友食飯時吵着，就可以跟他說現在不是談這些事的時候，分散小朋友的注意力，安排時間再談，那就可免除尷尬和令現場氣氛變壞。
以身作則教積極
當小朋友遇上挫敗，心理會大受影響，亦是家長們十分頭痛的問題，ontv《就係咁教》請來臨床心理學家鄒凱詩小姐，同大家講解解決的方法，鄒小姐說抗逆力主要有三方面，分別是自我控制能力，情緒調控能力和解決問題及衝突能力。
抗逆力是要慢慢培養的，家長教導不能一步登天，要以身作則，教導子女樂觀面對逆境，同時要從小事上教育積極的心態，如想知道更多教育小朋友的方法，記住登入ontv生活台《就係咁教》，裏面請來很多專家學者，為家長們講解親子秘笈。
Hot Click三甲
第一位 指甲油快乾法
好多女士都會自己髹指甲，但唔知點解，啲指甲油有時好耐都唔會乾，於是一做其他嘢就會將甲油整花，最大件事仲會將甲油整落衣服身上，要洗都幾麻煩。今日就教大家一個甲油快乾方法，就係用之前將甲油放入雪櫃雪十五分鐘，之後再搽落指甲，甲油會特別快乾，想知道詳細嘅內容，請登入ontv《就係咁易》啦！
第二位 09日本遊戲展
今年日本嘅遊戲展，就在千葉縣幕張巿舉行，日前舉行揭幕儀式，ontv生活台派出記者遠赴日本，追蹤整個遊戲展嘅詳情，今年嘅參展商特別多，除咗幾間大型公司之外，仲有好多中小型嘅生產商亦有攤位展出，為咗吸引顧客嘅眼睛，全部出盡法寶，Show Girl滿場飛，想再知多啲現場情況，記住登入ontv生活台啦！
第三位 冇剃鬚膏點算
男士們每日都要剃鬚，除咗剃刀之外，仲唔少得剃鬚膏，唔用佢嚟剃鬚，塊面會火燒咁痛半日，但萬一真係咁啱剃鬚膏用晒，又趕唔切落街買，咁點算呢？今日就教大家一個好簡單嘅方法，就係用平時刷牙嘅牙膏，唧少少開水搽落塊面，咁剃完鬚就唔會咁痛，至於原理係乜？登入ontv生活台《就係咁易》就會一清二楚。
撰文：布永德