模特兒Cara G.的胞姐早前於峇里島舉行婚禮，她笑言這是一個最簡單，卻最感動的一個婚禮。
Cara透露姐姐原本將結婚計劃押後到明年，但早前姐姐到峇里旅行時被當地的浪漫景色吸引而即興結婚，令她大亂陣腳。Cara說：「我哋兩對情人一齊去旅行，因為家姐臨時結婚，搞到我要推咗啲工作提早過去幫佢籌備婚禮，而爹哋同媽咪都陸續飛晒過去。」
不易哭的Cara透露此行變了大喊包：「爹哋失業咗好耐，佢啱啱喺澳洲搵咗份新工，就喺家姐結婚後兩日返工，所以佢話嚟唔到，點知原來佢畀驚喜我哋，結婚嗰日佢出現咗，我見到佢即時喊咗出嚟，因為我已經成年冇見過佢。」稍後Cara就要飛到澳洲參加母親於本月十一日的婚禮，臨飛前仍不忘工作，與Amanda S.一同為品牌Aigle行show做fitting。
