名模周汶錡（Kathy）有感現今口靚模不但不夠身高，而且觀念錯誤，往往誤將自己捧為天橋上的主角，令時裝騷變質，Kathy揚言自己堅持不為口靚風所動，私事一概免問。

在模界屬阿姐級的Kathy，認為現今的o靚模其實一早存在，每間模特兒公司也有很多這類年輕模特兒，但以拍廣告為主，惟她們由廣告框框跳到天橋上，Kathy略有微言。

講親都係私人嘢

Kathy說：「以前起碼五呎八吋高先叫做模特兒，依家五呎一吋都可以行騷，始終唔夠水準，o靚模係香港傳媒捧出嚟，講真見仁見智，其實行騷模特兒自己唔係主角，設計師先係主角，但佢哋講嘅全部係私人嘢，搞到性質唔同咗，同埋少啲布又做大相，完全兩回事。」

對此，Kathy表示會堅持己見，絕不提私事，她說：「我都唔理娛樂八卦嘢，私人嘢唔講，影到就影，但唔會講，讀者係好聰明嘅。」

攝影師捕捉Kathy的美態。

Kathy與攝影師研究拍攝效果。

出席巴黎時裝周

早前她為ULTIMA II拍攝純膠原蛋白極緻水分精華廣告，曬了一身蜜糖膚色的她，更換上多套性感晚裝，騷胸及晒長腿，她透露將往法國旅行及出席巴黎時裝周，但對法籍男友隻字不提，亦否認此行為了見家長，她說今次已是第二年出席巴黎時裝周，希望預早掌握潮流情報。

文：名人組