陳沛嘉昨日到中建大廈出席Cashmere品牌mili mili首間專門店開幕禮，她透露跟模特兒公司Elite簽了三年約，替對方的模特兒學校教授模特兒儀態，現在要積極備課。對於莊思敏指只要有四肢就可當模特兒的言論，陳沛嘉認為對方不是是非人。至於會否避免與𡃁模同場？她說：「其實好難控制跟邊個同場做嘢，做模特兒當然要有四肢先做到，但睇吓點發揮，依家model學校都標榜唔一定要五呎九吋以上先做到model，好似我好欣賞樂基兒，佢五呎七吋高都一樣做得好，姬摩絲都係，總之高度唔係限制。」

另外，陳沛嘉續說現在要照顧患病的父親、家庭、兩隻狗兼事業，感到吃力：「好彩有工作可以寄託吓，人生係要經過一啲嘢，唔會成日都咁順利。爸爸病情穩定，我會煲湯畀佢飲。」