【劉慰思深圳直擊】與法籍男友Sly拍拖三年的梁詠琪，透露因工作太忙，遭男友投訴沒時間見面和拍拖；她又有感而發地表示若計劃結婚多數不成事，故不排除可能即興結婚！

昨日梁詠琪（GiGi）擔任Salvatore Ferragamo深圳萬象城新店開幕的剪綵嘉賓，同場亦推出最新的Ganciomania手袋系列，GiGi穿上09秋冬的深啡色樽領透視連身裙，更谷胸上陣，可惜不慎露出胸墊，認真失策。

GiGi昨日為名牌示範最新秋冬系列的手袋。

GiGi與品牌大中華區董事總經理黃黛如小姐一同擔任剪綵嘉賓。

遲到句鐘

GiGi因為塞車，令活動延遲了一小時，她到場後即道歉。近來經常香港內地兩邊走的她，九月份留港只有短短六天，故遭法籍男友投訴無時間見面和拍拖，她笑言現時惟有以電話和MSN維繫感情。

感情穩定

對於近月不少藝人相繼被踢爆或自爆已秘密結婚，GiGi說：「有人查到有個同我同名同姓嘅人喺美國結婚，點知原來嗰個係男人嚟，好好笑！可能近排大家敏感咗。（係咪同法國男友拍緊拖？）都係，（幾時結婚？）未諗結婚，拍拖都無時間。（計劃幾時結婚？）冇得計劃，通常計劃咗都唔會結婚，即興仲好，唔使同人交代。（唔排除閃電結婚？）咁又唔會，短期內都唔會，有時間都會拍拖先，依家工作為重。（佢係咪你結婚對象？）冇諗呢個問題，我哋兩個感情穩定，睇重兩個人相處多過一紙婚書。」GiGi又透露十月和十一月將擔任新片女主角，要到內地及日本取景，又將要與男友分隔兩地。