輕度認知障礙的明顯徵狀為記憶力下降，例如經常忘記物件所在位置，但又不致嚴重影響自顧、社交能力，不屬於癡呆症。六十二歲的輕度認知障礙患者楊華炳，五年前記憶衰退，由健忘引起的小事屢見不鮮，如搭錯車、遺忘眼鏡及手錶放在哪裏等。去年他參與健腦操訓練，今年已學懂「諗番轉頭」，組織事件由來。

早評估早發現

楊華炳退休前是的士司機，五十六、七歲時開始發覺記憶力及專注力下降，「有時會唔記得路，仲試過有一次，衝過咗隧道口，唔記得要畀隧道費，搞到職員急急追出嚟！」他稱健忘事愈來愈多，如洗澡後忘記眼鏡、手錶放在哪裏，變得心煩意亂，有時候需兩周才尋回失物，又試過搭錯巴士，「上到車就知錯咗，未至於迷失路。」

該些「烏龍」事件不至於嚴重影響日常生活，他沒有特別理會，但因其母患有老年癡呆症，他擔心最終惡化至癡呆症。去年他經轉介下接受評估，診斷為輕度認知障礙，參與健腦操小組研究，至今十個月，他稱有顯著進步，現時未擔心變癡呆症。「依家就算唔見眼鏡，我會組織番成件事，諗番半小時前去咗邊，專注力好咗，唔會淨係亂搵。」

中大腦神經科研究心理學家黃沛霖呼籲，巿民留意身邊長者，「以前十次去街，只得一、兩次唔記得買嘢，突然變咗六、七次唔記得，就要做吓評估。」