周汶錡（Kathy）、諸葛梓岐及鄺美雲昨日出席「莎莎婦女銀袋日」記招，自Kathy男友Julien Lepeu被揭偷啜樂壇新人張苡澂後，Kathy甚少露面，她笑言﹕「我唔係避開你哋，只係放咗一個月大假，而且經常喺外地工作。（同男友感情點﹖）隔咗咁耐仲問？依家OK。（唔嬲佢﹖）仲要問？唔想繼續講，又畀人炒作。」

Kathy稱不想舊事重提，一來不想被人借事件宣傳，二來男友非圈中人，言談間句句暗寸張苡澂。問到會否覺得偷啜事件是有人安排，她直言：「可能係咁。我會叫佢小心啲，因為佢比較單純。」Kathy更坦言對Julien百分百信任。