英國潮牌Ground-zero的兄弟設計師Philip Chu（朱鑫駿）和Eri Chu（朱柏弘）日前秘密回港，由潮店Harvey Nichols安排接受訪問，兩日均穿着自家設計的Tee上陣，談到香港人在倫敦潮界成功插旗，Eri坦言起步時也經歷過艱苦日子：「起初都蝕錢，我哋唔止唔識控制成本，仲係冇呢個概念，不過邊做邊學，後來由蝕變賺，第一次賺到兩萬蚊，真係好有成功感！」

Philip又提到曾被時裝店呃，他解釋：「早幾年，我哋同倫敦、巴黎一間時裝店以寄賣形式合作，衫就賣咗，但錢就收唔番。」Philip和Eri更透露計劃在倫敦開設首間專門店，兩人笑言當地租貴，要賣多些Tee來支持開店！