昨日周國勳千金周穎詩客串擔任模特兒，穿上時裝設計師張潔雯的cocktail dress，為Guerlain Little Black Dress香水發布會行catwalk。

周穎詩原本身高五呎五吋，但穿上四吋高跟鞋後，站在其他模特兒身邊並不輸蝕，她透露下周便返美國讀書，問她是否想做模特兒，她不抗拒說：「睇吓做乜？同幫邊個品牌做，之前返嚟香港做暑期工，幫媽咪朋友設計手袋，之後又去咗布吉玩，（有冇拍拖？）唔講，（想學人秘密結婚？）唔係，唔會秘密結婚。」前晚她亦有出席周啟邦兒子周國豐的婚禮，她稱呼周國豐為二叔，她說：「我哋全家送餐具畀二叔做結婚禮物，幾時到我？我才21歲，等我搵到對象先，唔使急，（知唔知周啟邦患病？）我見到佢唔舒服，我都好擔心佢。」

江碧蕙移民星洲

此外，同場還有退休女騎師江碧蕙，移民新加坡的她，每隔三個月便返港一次，她透露因夫婿上周生日，她送上這個旅程當作生日禮物，她說每次來港，均會與不同的朋友見面，故每天會食足六餐，聚會令她忙個不可開交，但非常享受。日內將返新加坡，十月尾又會帶同兒子來港度假。