早前有指疑似謝婷婷在拉斯維加斯的註冊證明，前晚婷婷出席活動時發誓並冇此事，解釋自己不是霎時衝動結婚的人，問到是否擔心激嬲媽咪？她口快快笑道：「冇話唔敢。」言語間暗示不排除閃電結婚，又讚男友安志杰是結婚理想對象。

前晚謝婷婷單拖出席adidas Rive-Two-3 Bling Party，更獲大會贈送水晶球鞋，問到會否與男友安志杰穿情侶裝？她笑言只會襯色。她又表示自己仍是自由身，正物色經理人，所有合約內容都會向父母交代，她說：「我唔係只睇價錢，有好多嘢我都唔熟悉，除咗問爹哋媽咪，仲會問阿哥意見，不過佢通常叫我唔好問佢！（合約有乜要求？）依家簽合約一年太少，但亦唔想似阿哥咁簽十年以上，可能之前興簽咁耐，佢個case唔同！其實有幾間公司想簽我，我仲未下決定，佢哋都識我父母，睇住我大，都好錫我！」

婷婷認為安志杰是結婚理想對象。	婷婷與欣宜男友在派對好好傾。	梓岐積極學日文進軍日本。

之後她被問及十七歲那年是否在拉斯維加斯結婚？她聽罷哈哈大笑，表示世上有很多謝婷婷，還說：「我發誓冇呢件事！（你會唔會霎時衝動結婚？）唔會，我做人唔會衝動，買衫唔會，相信結婚都唔會！」至於男友安志杰是否令她有衝動結婚，她甜到漏的笑說：「你問番佢啦！」

梓岐和男友薛嘉麟拍拖捧場。

周倩圯大病初愈出席活動，但見伊人清減了。

畀安志杰100分

再問她是否怕效法哥哥霆鋒同栢芝霎時結婚而激嬲媽咪？她口快快說：「冇話唔敢……結果媽咪最終都係開心！（唔喺香港註冊？）其實我唔急結婚，可能我仲未到三十歲，（安志杰係你理想對象？）so far佢係100分！」

至於婚後會否退出娛樂圈？她坦言自己不是傳統女性：「做老婆應該同老公一齊努力工作儲錢，唔應該男人搵晒錢！（咁有小朋友呢？）我仲未考慮生BB，我鍾意玩人哋嘅BB多啲，因為養小朋友好大責任！但如果我有小朋友都會考慮退出娛樂圈。（你唔想效法阿嫂？）我同佢唔同，因為佢好鍾意BB！」

梓岐學日文備戰

此外，剛在日本行完騷的諸葛梓岐表示，被山本耀司賞識感到很開心，但至今仍未見過他。簽約方面，她說：「日本方面同公司之間仲未傾妥，但有百分之九十會簽！」續說：「嗰邊老闆叫我學日文，我諗住報讀日語課程外，仲會請私人教師一對一咁教！（搵椋名凜學？）佢好忙！」她亦不擔心赴日發展會影響與男友感情，又表示不會視Angelababy為競爭對手，因為大家路線不同，還說：「佢好cute好可愛，我就grand同elegant囉！」 同場更見病愈的周倩圯捧場。

文：名人組