由主播搖身一變成為bma市場推廣部副總裁的陳貝兒（Janis），前晚首度為慈善踏足天橋，不過Janis在開騷前兩天卻不慎拗柴，幸好未有影響水準，但就笑言一步一驚心！

前晚MasterCard Luxury Week Hong Kong 2009時裝展舉行「紅色禮服系列」慈善拍賣會，並特別邀得九位名人名模擔任模特兒，包括余安安、黃佩霞、榮雪梅、陳貝兒、莊思敏及Rosemary等。首次行騷的Janis表示非常緊張，又自爆騷前不小心拗柴，她說：「之前Dorian（何國鉦）搵我幫手行show，我知道係為慈善就一口應承，但早兩日跑步時唔小心扭親隻腳，之後去咗睇中醫，仲貼住啲藥水膠布。」問到有否影響水準？她笑說：「OK啦，我又唔係專業model，只係業餘，其實我都係出一分力，好在Dorian睇咗我行show後都讚我行得好。」

演繹何國鉦（右）設計的陳貝兒獲對方讚賞。	一眾模特兒穿上紅色禮服配合主題。	余安安及Rosemary為時裝展擔任模特兒。

Rosemary再見亦是朋友

而Rosemary獲前男友Christopher捧場，不過Christopher就在場內攬女親吻贈興，難得Rosemary表示不介意：「我都識個女仔，佢都係model，人哋已經有男朋友㗎喇，下年仲會結婚，佢同Christopher只係好朋友。」她又否認跟Christopher復合：「我哋依家係好朋友，大家唔會再拍番拖，因為我好忙，成日周圍飛陪唔到佢，佢就唔開心，但如果做朋友就唔會有呢啲爭吵。」至於莊思敏則表示很興奮能與余安安及黃佩霞等前輩同台，更透露十分喜歡余安安，認為她有型又能幹。

文：名人組