周慧敏（Vivian）結婚已有大半年，已為人妻的她幫夫婿選購內衣褲絕對是理所當然的事，但怕醜的Vivian依然有所顧忌，認為內衣褲太過貼身，拒絕替夫婿添置，「玉女掌門人」果非浪得虛名！
前晚，Vivian以逾七萬港元的行頭出席Escada秋冬09-10時裝騷，以豹紋露肩晚裝裙上陣的她酥胸半露，性感非常，即成為傳媒的焦點。Vivian一到場即問記者：「覺唔覺得我今日好親切？」原來她未能帶同愛貓「豹仔」到場，故特意選擇一襲豹紋圖案的長裙，她續說：「我唔敢帶豹仔嚟，酒店唔畀入。」
暫時唔生B
問她婚後有否被夫婿禁止穿着性感裝束公開亮相？Vivian坦言不會：「性感得好睇就冇問題。」談到婚姻生活，Vivian表示兩公婆會互相幫對方買衫，更自爆夫婿曾送她豹紋衫，不過她就冇膽着出街。她又表示：「我都會幫佢買衫，但隆重嘅衫都係佢自己買。」但講到替夫婿買內衣褲，Vivian就有所顧忌，她說：「咁貼身就唔會。」問到有否生BB的計劃時，她堅持：「暫時唔會。」但最後又補充一句「世事無絕對」，令人摸不着頭腦。Vivian又透露已向慈善機構報名，希望親自到台灣受風災影響的地區探訪。
陳姿允轉工
除了Vivian外，趙式之、陳姿允及Rosemary等均是座上客之一，而Ana R.及Lisa S.就為時裝騷擔任模特兒。姿允席上透露由銀行界轉戰慈善界，任職慈善機構「我開」的公關，對於工種的轉變，姿允解釋說：「以前做銀行工作好似冇乜意義，幫唔到人，有朋友喺呢個組織做，叫我嚟幫手做PR，咁我就去咗做喇。」
文：名人組