如果藤原浩係潮流教父、陳奕迅係樂壇指標，那GR系列相機肯定是潮人首選的Snapshot王，皆因佢哋由菲林至數碼年代都係GR捧場客，來到第三代GR Digital Ⅲ首次加入F1.9超大光圈鏡頭，配合新影像處理器和抓拍模式，就算室內和夜景都可以隨時影靚相，今次就搵o靚模CC（曹卓榣）示範四式潮拍畀大家睇。

撰文：鍾鎮科

F1.9超大光圈GR Lens營造出淺景深效果，影人影景更「龍」。	內置手動、快門先決及光圈先決，用前後兩個轆調校光圈快門，手持夜景唔怕震。	GR Digital Ⅲ備大量潮爆配件包括：光學觀景器（售價：$2,400）、21mm廣角鏡（售價：$1,500）、遮光罩及鏡頭轉接器（售價：$800）、復古皮套（售價：$1,100）等。

攝影：譚建章

進入SCENE場景模式多了一個DR選項，將兩張相合併提升動態範圍。	按「上」掣便可輕鬆調校1米、2.5米、5米及無限遠「全按抓拍」距離，偷拍包冇走雞。	雖然GR三代（上）和二代（下）外表分別不大，但改用F1.9鏡頭後Snapshot更就手。

查詢電話：2292 5111

沿用SD記憶卡和鋰電池，出街影到冇電可入兩枚3A電池當後備。	F1.9大光圈	GR Engine Ⅲ

第一式：F1.9光圈玩淺景深

雖然GR Digital代代差唔多樣，人人玩十幾廿倍Zoom時，佢依然鍾情28mm廣角定焦，但細看新機不難發現已換上F1.9超大光圈鏡頭，好處是輕鬆營造出淺景深效果，尤其影景或人像時前清後矇更加「龍」。同時，大光圈能配合高速快門或調低ISO拍攝，Snapshot自然靚過人。

DR場景模式

全按抓拍

第二式：手持夜景踢走腳架

大光圈意味着吸入更多現場光拍攝，去到昏暗環境或戶外夜景，都唔使開閃燈或落腳架，好似用自動測光試拍維港夜景，ISO跳至800便可手持拍攝，完全唔怕鬆郁矇，最吸引是高ISO時，新一代GR Engine Ⅲ處理器能有效降低雜訊，令相片順滑自然。

第三式：動態範圍合成模式

新機除了備有全手動、光圈和快門先決等拍攝模式外，上代首創的電子水平尺、色彩調控當然有齊。為了令相機更添玩味，GR Digital Ⅲ在場景模式內引入近年大熱的DR（Dynamic Range）提升動態範圍，只要按一下快門便會拍兩張相片，利用合併技術增加光暗細節度。

第四式：全按抓拍唔使對焦

以往影相需要半按快門對焦才能準確捕捉景物，但當遇到突如其來情況，例如行街見到明星、撞到另一個巴士阿叔等，很多時想影都影唔切。而新機就加入全按抓拍（Full Press Snap）功能，只需預先設定1米、2.5米、5米或無限遠距離，唔使對焦便可影相，偷拍隨時勁過狗仔隊。

規格表

感光元件：1,001萬像素CCD

鏡　　頭：28mm定焦鏡頭

光　　圈：F1.9~F11

快　　門：180~1/2,000秒

LCD：3吋、92萬像素

記憶卡：SD/SDHC、內置88MB

體　　積：108.6×59.8×25.5mm

重　　量：188g