本月22日生日的樂基兒（Gaile），昨日為法國休閒服品牌Aigle拍攝宣傳照，提到生日，她表示以往與大班朋友開派對慶祝，不過，今年卻選擇靜靜度過，她笑道：「唔知係咪年紀大咗，唔係好想搞派對。Leon（黎明）又要開演唱會，我自己去完外國返嚟，都唔係瞓得好好，當天就瞓覺度過。」

問到男友有否跟她提早慶祝？她稱21日當晚與Leon食飯及看電影，非常sweet。Leon曾透露二人當日叫外賣慶祝，Gaile否認：「我原本想去買餸，但屋企樓下有四架狗仔隊嘅車跟我，最後都係我下廚。（生日都要下廚，會唔會覺得Leon唔體貼？）唔會，我鍾意煮嘢食，我煮得好味啲。（Leon有冇為你下廚？）有，不過佢點人煮嘢叻啲。」雖然壽星女要親自下廚，不過Leon也十分識做，送了蛋糕及禮物給她。