美國新紮歌手Lady GaGa因走光而被發現下體離奇凸出，更有傳她是雙性人！徐濠縈昨日出席LG手提電話發布會時，就表示不相信偶像是雙性人，還自爆早前先後到日本和澳門睇Lady GaGa的演唱會，她說：「我同囡囡都好鍾意佢，我睇咗兩場騷，不過冇帶囡囡去睇，囡囡成日問『幾時帶我去睇Lady GaGa』？」

而阿徐十分欣賞偶像的服飾之餘，又謂：「佢全部歌都係自己寫，好叻！」對於偶像被懷疑是雙性人，阿徐說：「我唔相信佢係雙性，佢臀部、腳都有肉，幾女仔，我冇上YouTube睇嗰段片，因為我唔係鍾意睇佢下面。」另外，阿徐自言接受能力很高，若囡囡學Lady GaGa打扮也沒有問題，至於陳奕迅會否反對，她說：「唔會，佢咪仲癲！」