無綫藝員唐詩詠（Natalie）在中學時期已經開始迷戀木村拓哉，為追看由木村和松隆子合演的日劇《戀愛世紀》，試過連續一星期不眠不休，她說：「《戀》係我第一部追睇嘅日劇，估唔到真係會上癮！當時日頭要返學，但又好想追埋個結局，所以一放學就趕返屋企，直至睇晒先心息。」Natalie坦言女孩子喜歡幻想，很容易將自己代入做女主角，她笑說：「真係好想做松隆子，成日諗如果有個咁有型、咁死心塌地嘅男朋友就好，加上啲歌好好聽，好易投入其中。」

Natalie除喜歡木村有型靚仔外，還欣賞他演戲夠自然，她說：「我都係演員，所以特別留意人哋演技，木村真係做乜似乜，之前扮過飛機師、檢控官、賽車手統統都好神似，最近我仲追番《華麗一族》，咁年輕就扮首相，好多小動作位都做得好自然。」