現正處於休息狀態的惠英紅，昨日與文雪兒等出席Kitty Lab揭幕活動時，笑言非Kitty迷，但身邊有朋友是瘋狂fans，為追捧卡通偶像而移民到日本。她又透露高收視劇集《巾幗梟雄》將於明年開拍續集：「依家寫緊劇本，最快明年三月會開拍；我哋成班演員啱啱先一齊食飯敍舊，順便慶祝敖嘉年有機會拍電影《葉問2》，本來想屈佢請㗎，點知飯店老闆娘好鍾意我哋套劇，最後請我哋食！」她表示現在沒工作在身，閒時相約好友如文雪兒及元秋等茶敍，她笑說：「我依家好無聊，我一冇嘢做就會病或者瘦㗎喇，好似呢排我隻眼就發炎，仲流膿添！」

談到有指好友洪金寶有心臟病？惠英紅說：「應該同佢飲食習慣有關，但以我所知佢已經好檢點，例如戒咗煙，食嘢又唔會咁放縱，其實依家通波仔都唔係太大問題啫！」