Amanda S.早前偕男友回法國為父親七十歲賀壽，並舉辦了一連三日的生日派對，相當盡興。Amanda說︰「雖然個Party淨係請親戚同爸爸嘅好朋友，得三十幾人唔算多，不過都搞咗三日，有好多朋友都喺第二度特登飛過嚟同爸爸慶祝，好開心。」孝順的她更為父親準備了一份很有心思的禮物︰「我爸爸一生經歷好豐富，所以我喺網上面訂咗部好靚嘅電腦送畀佢，等佢用嚟寫自傳，我仲整埋朱古力蛋糕送畀佢。」
回港不久，Amanda日前孖男友夜蒲，雖然大熱天時穿上皮褸略嫌侷促，但充電後的Amanda精神飽滿，神采飛揚。當晚兩人分開到場，由於酒吧已實行禁煙，男友煙癮起，中途走出酒吧門口吸煙。
