徐淑敏（Suki）昨日與宋熙年一起出席Crocs嘉年華活動，兩人看到小朋友行天橋即母性大發，Suki更自爆隨時玩即興生BB做媽咪：「我會突然閃電生B，冇時間限制，不過急唔嚟，愈急愈忟！」她更不諱言要效法徐子淇，至少生兩個：「我諗住生兩至三個，有仔趁嫩生吖嘛！（過去拍拖有冇試過有即興生仔嘅念頭？）冇呀，如果唔係我就收山喇。」此外，自言是鞋癡的Suki自爆剛搬屋，並發現家中的鞋子數量已突破一百大關。

在旁的宋熙年對生B卻說要按部就班，更大談結婚生仔時間表：「我想卅歲前結婚，然後生BB，最好係生孖胎。」

星期日（9日）便廿四歲生日的宋熙年，透露父母和胞妹會由澳洲來港為她慶祝，令她驚喜又感動。