蕭希榆（Ruby）、李蘊、黃婉佩（Race）和曹卓榣幾位靚女前晚齊為一間酒店的派對擔任嘉賓。Ruby透露寫真集已賣出八千本，成績OK，但她不會效法周秀娜推出牙膏，因寫真集已經告一段落，如果要推出其他產品都會同唱片或者音樂有關，Ruby指出牙膏不錯，因人人都要用。

李蘊被問到對o靚模曹卓榣會考成績差有何看法？她說自己去年亦是失敗的一個，最重要是再進修和自我增值。談及周秀娜有意推出牙膏，她認為意識比攬枕好：「起碼小朋友都用得。（如果張相好性感呢？）咁可能啲家長會撕咗去或者包住佢。」原來李蘊都想在今夏出寫真，可是面對一班波濤洶湧的o靚模，她笑說：「呢個天地容納唔到我，亦唔適合我，都係避一避好，希望啲人睇厭咗，我哋啲微波一族會有一片天。」而行時裝騷的Race獲男友上台獻花和獻吻，並首次在公開場合親熱，令Race甜到漏！

曹卓榣大方展示白滑玉背。	蕭希榆無意學人出牙膏。	右起：Race、曹卓榣與一眾model行騷。