楊千嬅出席時裝活動時談到每季的置裝費，她直言自己是個購物狂，更以「驚人」兩字來形容自己，因每次入店買衫被店員一讚便立刻買下，令家中的衣飾多不勝數，衣帽間大到有如一間屋。

前晚千嬅以一身Zucca最新秋冬裝出席時裝騷活動，笑言自己熱到出濕疹，問到每季會花多少數字置裝？她形容自己十足購物狂：「我以前買衫好驚人，屋企嘅衣帽間好似一間屋咁。」

左起：方力申、楊千嬅與Angelababy齊齊睇騷。

丁子高

一讚靚就買

千嬅坦言現在得不少品牌贊助服飾外，自己也聘用了形象指導，令她解決不少煩惱，她說：「咁樣覺得可以環保啲，以前會發現啲衫不但未着過，甚至連價錢牌都未剪，因為我真係好多衫，但每次畀店員一讚我就會買，依家請咗形象指導就好啲，佢可以幫我買衫，自己唔使煩。（佢會唔會去你衣帽間執衫？）會，佢仲叫我唔着嘅衫就攞去賣或者捐咗出去，我都話好！」

Model示範Zucca 09秋冬新裝。	放大圖片	Zucca 09秋冬裝，以黑色作主打。

養聲唔飲酒

早前男友丁子高（Real）生日，有指千嬅為他慶祝完生日後再宿一宵，問及此事時千嬅說自己沒有那麼神心：「我哋成班朋友一齊慶祝，佢（Real）飲咗酒，我叫佢唔好揸車，咪叫司機送完我返屋企再送佢返屋企。我呢排好忙，成日都要開工，仲日日做宣傳，我邊有咁神心呀！（你送乜生日禮物畀佢？）我去咗佢party就OK啦！」

此外，千嬅前晚隨後出席化裝派對，她說因為之前要出席活動，沒有時間扮鬼扮馬扮林亞珍造型，索性打消念頭，問她在派對上有否唱歌表演？千嬅說：「唔使，因為喉嚨唔舒服，錄歌都錄唔到，依家要錫聲同養聲，連酒都唔會飲呀。」

文：名人組