今年會考經已放榜，姜紫藍（Color）以過來人身份寫了封給應屆會考生的信來鼓勵他們。信中Color透露自己會考有16分，中作和中文會話都拿A，更提及自己的缺陷，原來她就讀小學時被弟弟用鐵耳挖「篤穿」了右耳耳膜，血流滿整個枕頭，醫生診症後指她痊愈後最多只餘下七成的聽力。之後一次發高燒更險令耳朵失聰。

勉勵考生勿言棄

Color又說她還有少許黐脷筋，即使動了手術也不能醫好。加上她先天散光有六百度，她說：「其實自懂事以嚟我就睇唔清呢個世界。雖然有咁多缺陷，但我無諗過放棄自己嘅夢。無人會諗到主持、演戲同寫作經驗豐富嘅我會係輕度弱視、輕度弱聽和黐脷筋。A-Level嗰年我仲生咗個瘤，喺醫院住咗一個月，初戀男友離開我，幾乎要輟學一年去醫病，經歷過咁多煎熬我都無諗過放棄，今年試場失意嘅會考生又有咩資格話放棄？要話畀自己知事在人為、人定勝天！」