一向活躍ball場的周啟邦，近期甚少出席公開活動，有指他身患重病。昨日本報求證於周太，她透露邦邦因為血壓高而影響心臟和腎臟功能，她說：「血壓高一直有食開藥，但啲藥都食到純晒，如果啲藥可以食到人好番就唔會有人死啦！我自己都好唔開心，不過擔心都冇辦法。」問到邦邦可有生命危險？她續說：「咁就冇，不過要好小心睇住，要醫生開餐單畀佢，同埋唔可以太大活動，依家佢身邊會有個男看護照顧佢！」

對於有指兒子周國豐結婚是為父親沖喜？她否認說：「唔係，只不過阿仔同女朋友拍拖咁多年，咁咪提議佢不如結婚囉！」