每集「塊魂」嘅玩法萬變不離其宗，就係用手掣上嘅兩支Analog操控桿將團塊愈轆愈大。但點解長出長有，連Theresa都玩得咁入迷？實情好簡單，就好似新出嘅PS3版「塊魂Tribute」，加入一個Eternal無限時間嘅任轆模式，轆埋個月球都得，勁誇！

無限時任轆

「塊魂Tribute」今次乃系列首次在PS3上推出，支援1,080p Full HD畫面輸出外，仲可應用PS3手掣嘅六軸功能，抽起手掣就令團塊跳起，係新加入嘅動作。遊戲模式一樣有新嘢，例如冇提示嘅新轆法，只要認為自己轆到直徑有兩米就停，愈接近兩米就愈高分。想追求速度感，可試吓好似賽車咁快嘅「團塊Drive」模式，喺跑道上轆起身邊嘅物件；想悠悠閒閒咁幻想同Theresa一齊轆，就可試Eternel玩法，無限時間任你轆，想黐起晒地圖上所有物件或儲齊道具就最啱。Eternal模式係隱藏項目，要在每個項目達成相應條件先能開啟，都唔係咁易玩得到，仲要小心長時間狂煲好易頭暈眼花。

撰文：布偉倫