o靚模繼續熱爆全城，她們勝在夠平民化，打破了要有高挑身形先可以做Model的常規，成為一眾想躋身Model行列的少女模仿對象。原來o靚模都愛用平價化妝品，今次找來A. Lin、周秀娜、Anjaylia、DaDa、Evelyn、Hailey C.、Isabel、Annie G.、Crystal 9位當紅o靚模講講用開咩平價化妝品，而A. Lin更親自落舖教揀化妝品。你要化o靚模妝，話都冇咁易。
A. Lin :青春淡妝不造作
cA. Lin教路，做o靚模最緊要形象可愛自然，凸顯青春活力，千祈唔好化濃妝，而且唔需要用太貴的化妝品。「我中學時已經化妝，當時負擔不起貴價化妝品，所以就用平價化妝品，發現原來有不少平價化妝品的質素也很高，到現在我都經常去掃平貨，識得揀就可以慳好多錢。」A. Lin覺得女生不適合化濃妝，個個都粗眼線、煙眼、假睫毛毫無特色，不但不適合自己年齡，更會遮蓋了本身的面部輪廓，怎樣的眼妝才有少女味？「眼部化妝不需要太濃，塗了眼影的話，睫毛就要自然一點，如果睫毛塗得濃密，就可以不塗眼影。而眼線幼幼一條已可，能自然地突出眼形，用眼線膏效果會持久一點。」
Pupa指甲油 $45（A）
A. Lin經常塗甲油，Pupa是她的心水選擇。「鮮色甲油很有夏日感覺，我最愛鮮紅色，Pupa的甲油掃掃得很均勻，掃一層已經很上色，而且細細支可以帶出街。」
撰文：伍家蔚
攝影：方偉堅 模特兒：A. Lin（Jamcast） 場地提供：SaSa
查詢電話：（A）2577 2286、（B）2768 2820