天時暑熱最啱食透心涼的食物飲料降降溫，難怪最近少女們都興食雪糕，仲要邊食邊滴到成個心口都係，好似漏口咁。除了雪糕，飲杯刨冰Smoothies都係好選擇，星巴克最近推出兩款新口味的星冰樂飲料，以檸檬、薄荷、芙蓉花茶等沖調，口味清新；而且更舉辦「Be a Master Blender」宣傳活動，由顧客自己「落手落腳」刨出屬於自己的飲品。

踩完單車歎刨冰

推廣活動由即日起至8月26日，星巴克特製的「單車攪拌機」將會巡遊8間分店，顧客只需購買檸檬芙蓉花茶或檸檬綠茶星冰樂一杯，即可踏上單車機，親「腳」踩動轉輪，帶動接駁單車的攪拌機，DIY攪出一杯星冰樂；同時間店員亦會為顧客多調製一杯同款飲品，換言之顧客能享受買一送一的優惠。聽講若想啲刨冰做得細滑，踏單車時將轉輪高速轉動約兩分鐘就可以。

如欲查詢單車攪拌機的巡遊路線，可登上www.starbucks.com.hk查詢。

檸檬綠茶星冰樂

以檸檬、薄荷及綠茶混入冰塊攪拌，茶味香濃，就像在泰國Spa裏歎到的冰茶一樣透心涼。

檸檬芙蓉花茶星冰樂

清新檸檬及芙蓉花茶加入冰塊打得細滑，微微酸甜，舒爽怡人。

查詢電話：2101 1398

撰文：陳嘉勵