千億新抱徐子淇產後首度公開露面，昨日冒着三號風球出席活動。還在坐月的她揚言已為下一胎作好準備，又表明恨生仔，並收到不少生仔秘方，實行聽足老爺李兆基吩咐生多幾個。

昨日徐子淇以「智行基金慈善大使」身份，出席雪花秀Spa全球首間水療旗艦店開幕暨「智行基金會」慈善義賣，同場還有林峯、明美連及明肇豐等。

久未露面的明美連以一身pink lady造型示人。	徐子淇冒着三號風球出席活動，徐媽媽(圖)傍到實。	放大圖片

聽足老爺吩咐

子淇穿着DVF低胸連身裙到場，見她修身成果不俗，她稱無刻意減肥：「仲差十磅，我坐月要坐三個月。我好鍾意坐月，因為好多嘢食，要好好補身。」問她是否要養好身子為下一胎做準備？子淇笑言：「其實我哋好想快啲有，醫生話最少隔一年，惟有乖乖地慢慢嚟。（聽老爺話生落去？）自己想生四個，隨緣，唔係要就有。」

提到細女叫李晞兒，是否寓意希望生仔？子淇坦言已有兩個女，故希望下一胎是仔，她又透露收到不少生仔秘方，她說：「香港有好多有心人，我不時收到生仔秘方，係匿名信，叫我食多啲鹼性嘢。（老公有冇配合？）佢OK。」

細女搞實發宴

子淇表示細女兩個月大重15磅，已經要着大女一歲時的衣服，而樣子就酷似父親。問到會否為細女舉行發實宴時，她說：「大女有細女都有，唔係就唔公平，一日請朋友，一日請屋企人。（老公有冇送珠寶？）BB已經係最珍貴，生仔唔係為禮物，係建立一個家庭。」

另外，提到早前遺失USB手指，她稱裏面只是生活照，又謂：「啲人執到唔可以放上網，否則違法。（有冇解僱保安？）無，留番公司處理，每個人都有錯，佢唔係有心攞出去。」

文：名人組