甄子丹前晚46歲生日，賢內助汪詩詩秘密為他搞生日派對，廣邀圈中好友出席，並齊齊夾口供，在最後一秒才送上秘密驚喜，氹得子丹當眾大讚：「都係我老婆勁！」而大忙人黎明（Leon）也畀面到場，兩人見面更手拖手兼攬頭攬頸！

前晚是子丹的46歲生日，太太汪詩詩為了製造神秘驚喜給他，預早通知圈中好友為他慶祝生日，前晚九時許，黎明、吳君如、汪圓圓、黃百鳴、林嘉華、肥媽、熊黛林和寇鴻萍一家等圈中好友，陸續到達中環夜店Racks MDB，而子丹則在詩詩陪伴下於十時半抵達。

性感打扮的詩詩，整晚陪住子丹滿場飛。	甄子丹（左起）、呂良偉、張耀揚、黎明、黃百鳴和肥媽齊齊碰杯。	汪詩詩為甄子丹搞驚喜生日派對，呢個老婆認真抵錫。

操弗拍內褲廣告

子丹坦言事前不知道是生日派對，他說：「入到去見到咁多人，個個都喺晒度，真係好感動，真係多謝老婆，都係我老婆勁！」

汪圓圓（右）歡迎熊黛林（中）出席姐夫的生日會。

寇鴻萍一家四口到賀甄子丹。

連日趕戲的子丹搞到舊患復發，下車時露出痛苦表情，更以手撐腰，他說：「坐骨神經痛，今日返嚟，針灸氣功乜都做，真係好辛苦！」他坦言因此而擔心會影響電影宣傳，並笑謂因被陳可辛氹到：「今次同佢拍《十月圍城》真係瀨嘢，條腰真係痛到攞命。」雖然如此，但子丹依然親自送Leon離開，他解釋：「Leon百忙中都嚟，我真係過意唔去。」Leon見子丹走路時一拐一拐，護友心切的他則對記者說：「佢整親條腰！」兩個大男人更手拖手，上車前，Leon還向子丹送上Birthday Hug！另外，子丹透露此行回港，除了要做電影宣傳，更會為內褲品牌拍廣告，身材操弗了不少的他坦言希望內褲款式不要太露骨，續說：「款式係任我揀嘅。」

圓圓夾錢送外套

至於姨仔汪圓圓就表示因第一年賺錢有收入，故此與父母夾錢買了一件Gucci外套送給子丹，更幫手籌備派對和招呼朋友。而林嘉華則與太太劉寶珍到場，他表示：「我老婆做形象設計，梗係送衫！」更大讚好友擁有靚肌肉。

文：名人組