o靚模熱爆香港，但要做o靚模，首要三大護法傍身︰化妝師教化假大眼、健身教練教Keep Fit，仲要有個經理人幫手掃走狂蜂浪蝶。以為請呢三類人一定好貴?其實一機搞掂晒！日前到港的水貨手機Docomo F-08A便有齊以上三大「分唇」，加上閃爆粉紅機身，怪不得日本一出即賣斷貨。

撰文︰陳志滔　攝影︰陳富權

跟機送4克拉水鑽手機吊飾，配埋機面的心形水晶，勁搶眼。	電池蓋設有安全鎖，防水工夫做到足。	配備520萬像素CMOS鏡頭，可惜冇閃燈和自拍鏡，配套一般。

查詢電話︰5166 7286

機面設有0.5吋單色屏幕，可以顯示來電及時間，響鈴時旁邊還有心心點綴，好鬼少女！	連五方向鍵都印有心心圖案，而且整排數字鍵都會轉色，紅、藍、綠各色有齊，長期保持新鮮感。	售價︰$4,180

模特兒：Tina

「美瞳」模式設有強弱兩段選擇，還可以混合「美肌」功能同時使用。	美瞳前:Model眼睛較細，而且有點眼袋，略欠神采。	美瞳後:眼睛明顯被拉大，眼影亦更明顯，成個人精靈晒！

場地提供：Slowly by da dolce

只要將手指按在光源感應器上15秒，手機便能計算出每分鐘心跳數字。

啟動虛擬來電，鈴聲便會立刻響起。

粉紅閃爆機身

Docomo今個夏天一口氣推出了多部新機，但當中只有F-08A完全為女士而設。它採用日系機常見的摺疊機身，並提供黑、白、藍及粉紅4色選擇；其中粉紅色為特別版，除了機面鑲有一顆心形水晶，還附送多組布景主題及一條水鑽吊飾，後者淨重達4克拉，掛上後保證閃爆全場。惟鏡頭卻是較失色的一環，只有520萬像素CMOS，既非CCD也非頂級千萬像素，猶幸有齊人臉對焦、美顏、防震及自動情景判別等功能，Snapshot已夠用有餘。

防水1.5米

日本今夏推出的手機均加入防水設計，但大部分只符合IPX5及IPX7防水規範，濕身潑水冇問題，但浸入深水就即刻死機。F-08A這方面就高人一等，罕見地符合IPX8規範，不但可入水1.5米，還可持續30分鐘之久，離開水面擦乾機身即可，規格完全跟潛水相機無異，以後o靚模影水着寫真都多樣法寶。

女士必Buy三大功能

要冧o靚模，以上功能當然未夠，即看以下冧女三招︰

極速假大眼

美顏模式（Beauty Mode）相機部部有，但手機卻較罕見，數埋只有LG Renoir。F-08A不但內置「美肌」功能，可透過內置軟件替相中人去豆除斑，還內置「美瞳」模式，可自動偵測被攝者的雙眼位置，然後加大範圍及黑白對比度，令豆豉眼立即變成水汪汪。最重要是即影即執，唔使後期加工，比不少美顏相機還要方便。

計步助收身

手機還內置計步器，綜合身高、性別等資料計算出消耗卡路里數字，並可按每日、每周及每月把結果列表顯示，猶如私人教練。最特別是機面的光源感應器還可量度脈搏。

掃走追求者

o靚模追求者眾多，遇着「草食男」真係想極速閃人。F-08A內置虛擬來電功能，按個掣便可啟動鈴聲，偽裝成朋友來電，最啱扮講電話伺機溜開。

規格表

制　　式︰GSM四頻、WCDMA

內　　屏︰3吋26萬色TFT、480×854解像度

外　　屏︰0.5吋單色OLED、32×60解像度

鏡　　頭︰520萬像素CMOS

記憶體︰內置112MB、支援microSDHC記憶卡（最高16GB）

通話時間︰200分鐘（GSM）、200分鐘（3G）

備用時間︰280小時（GSM）、560小時（3G）

體　　積︰109×50×15.4mm

重　　量︰120g