呢期興講「停課不停學」，暑假搵節目，能夠學到嘢嘅活動，當然係首選啦！

近日屯門市廣場舉行「埃及文明之旅暨蠍子展覽」，除咗可以搵到多件有關古埃及文明嘅展品，仲有廿多款蠍子亮相，加埋充滿立體感嘅錯覺藝術，一個唔為意，真係以為自己去咗法老王嘅宮殿。

法老王黃金面具像，象徵古埃及人對死後復活嘅期待和對「永生」嘅嚮往。	埃及王后半身人像係埃及第十八王朝末期王后娜芙蒂蒂，被世人譽為第一美女，其臉容被現代美容師視為黃金比例。	花瓶上繪畫咗古埃及神話中12位守護神，據說每一位神靈會守護住出生於不同月份嘅人。

撰文：司徒德琳　攝影：陳富權　模特兒：Mandy @ Jade Image

國王椅子上畫了第18位法老王圖坦卡門及皇后嘅肖像。	伊西斯是埃及諸神中最有江湖地位嘅女神，經常喺棺木兩邊以人形現身，伸開翅膀保護死者。	黃爪蠍:生活喺非洲沙漠嘅蠍子品種，毒性甚弱，性情溫馴，絕對可以當寵物飼養。

「蠍」開序幕

有冇興趣見識一下「全球最長」、「全球最大」、「全球最細」及「全球最毒」嘅蠍子品種呢？今次展覽，蠍子係半個主人家，展出嘅品種超過20款，包括全球最大嘅皇帝蠍、全球最細嘅迷你蠍、全球最長嘅扁石蠍，以及全球最毒嘅死神蠍。想認識蠍子生態，一次近距離接觸勝過睇電視多多聲！

岩石蠍:除咗沙漠，海邊岩石一樣可以搵到蠍子嘅蹤影，呢種蠍子一度被認為已絕種，近年被重新發現。	迷你蠍:體形比一毫子還要細嘅迷你蠍，係全世界最細小嘅蠍子。	場內設有駱駝裝置，好明顯又係畀機會大家舉機拍照啦！

疑幻疑真

由於展覽係以「埃及冒險之旅」為主題，商場內搭建了法老王像、金字塔等大型裝置，令遊人如走入古埃及世界，而最有趣嘅地方就係一幕幕運用錯覺藝術製作嘅布景，木乃伊、蠍子王等特色圖像如破土而出，令整個展場更加疑幻疑真，神秘感急升！

一幅幅錯覺藝術圖像，平平無奇都可以變得立體生動，比海市蜃樓更搞鬼！

放大圖片

仿古奇觀

既然係要展示埃及古文明，當然唔少得法老王黃金面具像、埃及王后半身人像、埃及女神伊西斯像等展品啦！不過，大部分真品都收埋喺開羅同大英博物館，睇住啲仿製品一樣可以開吓眼界。